Con Paula Carballeira como condutora, esta mañá viaxamos a outras culturas con Basilisa a fermosa, cun coello africano, cos yinns e outros personaxes da tradición oral para comprobar que non somos tan diferentes malia que nos separen miles de quilómetros e para saber que ás veces o descoñecido podes ser ti. Aprendemos que as narracións orais poden ser unha gran ferramenta para afrontar os medos e, sobre todo, serven para construír novas realidades cando todo semella destruído. Grazas a Paula Carballeira por converternos por un momento en coellos e leoas dispostos a enfrontar calquera medo.