Premios á excelencia do alumnado
Dicir xaneiro é dicir exames e agobios, pero sempre, cara o final de mes, co gallo da festividade de San Pablo e de San Tomé de Aquino, hai un tempo para o recoñecemento da excelencia do noso alumnado. Así, o pasado venres, 24 de xaneiro, a alumna Laura Vidal Malvido do Grao de Educación Infantil recolleu en Madrid o Premio CEU Ángel Herrera á Mellor Alumna. Pola súa banda, na celebración de San Tomé de Aquino que se celebrou este martes na Universidade de Vigo recolleron os premios extraordinarios de grao as alumnas Carmen Barros Torres do Grao de Educación Primaria e Diana Álvarez de Neira Fragueiro do Grao de Educación Infantil. Tamén este ano o premio CEU Ángel Herrera ao mellor labor docente recaeu na profesora Ana Caíño Carballo.
A todas elas, moitos parabéns!