Aviso
A nosa escola, presente nun encontro internacional sobre literatura medieval
As profesoras Sandra Álvarez Ledo e Ana Caíño Carballo participaron no coloquio internacional organizado pola Universidade de Vigo, que reuniu algunhas das principais voces especializadas en literatura medieval e poesía de cancioneiro.
Ana Caíño presentou a comunicación Transmisión, corpus e edición da poesía non dialogada de Juan Alfonso de Baena, mentres que Sandra Álvarez afondou nos Problemas textuais e ámbito de creación na poesía política da corte de Enrique III: o caso da caída do Cardeal de España.
A súa participación contribúe ao intercambio de coñecemento nun dos principais foros especializados neste ámbito.
LOS ALUMNOS DE 1º “PROFES” POR UN DIA
Un curso más, los alumnos de primero de la Escuela de Magisterio CEU de Vigo han desarrollado el PROYECTO MPAD.1 (Mi Primera Acción Docente) en el Colegio Montesol de Vigo, a través de una iniciativa que celebra su cuarto aniversario organizando conjuntamente la primera experiencia de estos alumnos como maestros.
El proyecto forma parte del área de Diseño y Desarrollo del Currículum, donde se forman en la elaboración de programaciones didácticas, que finalmente, desarrollan en el centro escolar con el alumnado, tanto de EI en el primer cuatrimestre como de EP en el segundo.
El proyecto pone su foco en la necesidad de conocer cuanto antes la realidad de los centros escolares y el contacto directo con el alumnado, comprendiendo la importancia de la organización de la tarea como base de un trabajo eficaz en el aula y de la implementación de metodologías y recursos adecuados en el proceso de enseñanza-aprendizaje.
Nuestro agradecimiento más especial al Colegio Montesol, siempre dispuesto a colaborar con nosotros y a formar parte de la formación de los futuros maestros, poniendo a nuestro servicio tanto sus magníficas instalaciones como la experiencia, profesionalidad e ilusión de sus profesionales
Torneo de Fútbol
Hai eventos deportivos que mobilizan masas: a Champions, a Liga ou o Mundial que xa asoma polo horizonte. Nada comparado ao torneo de fútbol organizado na nosa Escola por tres alumnas de 3º de Educación Infantil —Claudia, Victoria e Carla—, que durante dous xoves converteu o patio universitario nun escenario de alta tensión competitiva, celebracións épicas e, por momentos, auténtico xornalismo de investigación.
Porque esta noticia, hai que dicilo, non foi fácil de escribir. A pesar dos intentos desta redactora por conseguir datos oficiais, declaracións ou, cando menos, unha mínima nota de prensa por parte da organización, o silencio foi absoluto. Nin resultados, nin clasificacións, nin rolda posterior aos partidos. Probablemente os exames tiveron algo que ver, pero que o alumnado organice algo ben merece una reportaxe, así que non quedou outra que facer de xornalista: contrastar fontes, analizar fotografías, entrevistar a participantes e reconstruír os feitos case como quen investiga un crime:
E os feitos foron os seguintes:
O torneo disputouse durante dous xoves ( 7 e 14 de maio) e reuniu a numerosos equipos de distintos cursos e titulacións que xogaron para meterse na final que se celebrou onte. Na final de categoría mixta, enfrontábanse La NASA, de 3º de Infantil, e Pollitos, de 1º de Primaria. Contra todo prognóstico —ou quizais non—, La NASA impúxose e levou o trofeo nun partido moi disputado. Pola súa banda, na categoría feminina, FUTWOLF, de 3º de Primaria, mediuse coas Celestes, de 1º de Infantil A. O encontro deixou grandes xogadas e unha vitoria final para o equipo de infantil, quen contaba nas súas filas con Marta Blanco, xogadora que tamén se dedica a docencia. Por último, no torneo masculino, os Streat Celtarras, de 3º de Primaria, caeron fronte ao equipo de 2º de Primaria, (Paréntesis), tras outro partido cheo de competitividade, tensión e moi reñido, segundo fontes.
A entrega de trofeos estivo presidida polo bispo Antonio Valín e pola nosa directora María Jesús Ayuso, que puxeron o broche final a unha competición que xa forma parte da historia deportiva —e case tamén xornalística— da Escola. Porque hai torneos que se xogan no campo… e outros que tamén hai que investigalos.
Redacción: Ana Caiño (15/05/2026)
Eucaristía de fin de curso
A comunidade educativa da Escola celebrou a tradicional eucaristía de fin de curso en honra da Virxe María, un encontro para agradecer todo o vivido, aprendido e compartido ao longo destes meses. A celebración, coordinada e organizada polo Departamento de Pastoral da Escola, estivo presidida polo bispo Antonio Valín, quen na súa homilía partiu das palabras do Evanxeo: “Este é o meu mandamento: que vos amedes uns aos outros como eu vos amei”.
A partir desta mensaxe, lembrou que probablemente este sexa o mandamento máis difícil de vivir e practicar, pero tamén o máis necesario. Animou o alumnado a comprender que todos somos discípulos e non servos, chamados a construír relacións baseadas no respecto, no coidado e na entrega aos demais. Nun contexto educativo, destacou tamén a importancia de trasladar ese compromiso á futura tarefa docente, facendo do amor, da empatía e da atención ás persoas unha maneira de estar no mundo e de exercer a profesión docente.
A celebración contou coa participación do alumnado, do persoal de administración e servizos e do persoal docente e investigador, que tomaron parte nas diferentes lecturas, petición, cantos e momentos da eucaristía. Ademais, realizouse unha ofrenda floral á Virxe María como símbolo de gratitude polo curso compartido. O curso 2025/2026 vai chegando ao seu fin e, con el, reafirmamos a nosa fe, a nosa esperanza e o compromiso de seguir construíndo unha escola e unha sociedade máis humanas, guiadas polo coidado, o respecto e a entrega aos demais. (15/05/2026)
Eucaristía fin de curso
(11/05/2026)
Proxecto dual
Hai quen xoga ao FarmVille desde unha pantalla, pero esta semana o alumnado de 1º de Educación Infantil da nosa Escola decidiu vivir a experiencia dunha granxa… de verdade. Ou case. Galiñas, vacas, ovellas e abellas, granxeiros e granxeiras, pole e moito movemento convertéronse nos protagonistas do proxecto dual desenvolvido xunto ao alumnado de 6º de Infantil do Colexio Salesianos de Vigo.
A actividade comezou cunha narradora que pediu axuda aos pequenos visitantes: as tarefas da granxa estaban sen facer e era necesario poñerse mans á obra. A partir dese fío condutor, os nenos e nenas foron superando diferentes probas e retos preparados polo alumnado universitario. Recoller o pole das flores, xuntar os ovos das galiñas, sachar e recoller verduras, axudar ás ovellas coa la, muxir as vacas ou dar de comer aos porcos foron algunhas das actividades que encheron a mañá de xogo, cooperación e aprendizaxe. A través destes exercicios traballáronse tanto a psicomotricidade grosa como a fina, sempre desde unha metodoloxía activa e participativa. Como recompensa polo gran traballo realizado, todos remataron bailando a divertida canción final da “Ensalada”, un broche de ouro a unha xornada inesquecible.
O alumnado escolar estivo acompañado polas profesoras Susi e María, ambas antigas alumnas da nosa Escola, nun encontro especialmente emotivo que reforza os vínculos entre xeracións de docentes. A satisfacción foi compartida por todos os participantes: os nenos e nenas gozaron enormemente da experiencia e as profesoras de Salesianos destacaron o excelente traballo realizado polo alumnado de Maxisterio, que demostrou, en palabras da súa profesora Purificación García, creatividade, implicación e unha gran capacidade de organización e traballo en equipo. (11/05/2026)
El alumnado de 1.º de Educación Primaria construye inclusión a través de “El mural de los logros”
En el marco de la asignatura Prevención y Tratamiento de las Dificultades de Aprendizaje, impartida por la profesora Paula Ramos, el alumnado de 1.º del Grado en Educación Primaria ha desarrollado una actividad práctica centrada en la inclusión educativa: “El mural de los logros”, en concreto sobre intervención con alumnado de incorporación tardía al sistema educativo.
Para ello tomaron como referencia el caso de Valentina, una estudiante que llega a un nuevo país, a un nuevo centro y a un nuevo grupo-clase. A partir de este contexto, el alumnado diseñó y puso en práctica una dinámica sencilla pero de alto impacto pedagógico. La actividad consiste en que cada estudiante escribe en un post-it un logro alcanzado durante la semana —aprobar un examen o mejorar en una materia, ayudar a un compañero o superar un reto personal— y lo comparte con el grupo antes de colocarlo en un mural común. La dinámica refuerza la autoestima, centra la atención en los avances y crea un espacio de reconocimiento del esfuerzo. Además, favorece la cohesión del grupo, genera un clima seguro —clave para el alumnado de incorporación tardía— y pone el foco en el proceso de aprendizaje más que en los resultados.
Como reflejan las imágenes de la actividad, el mural se ha llenado de colores, mensajes y experiencias que evidencian el compromiso y la implicación del alumnado. Cada post-it cuenta una historia y, en conjunto, construyen un espacio donde el aprendizaje se comparte y se celebra. Una iniciativa que demuestra que la inclusión también se construye desde lo cotidiano: reconociendo los logros, dando voz a cada estudiante y poniendo en valor todo lo que cada persona aporta al grupo. (04/05/2026)
Proxecto dual
Como cada ano, coa chegada do mes de maio, a nosa Escola pon en marcha unha das actividades máis agardadas: o proxecto dual do alumnado de 1º de Educación Infantil, no marco da materia de Desenvolvemento Motor, coordinado pola profesora Purificación García Cajide. Nestes días, as aulas énchense de movemento, creatividade e coordinación, mentres o alumnado prepara con ilusión cada detalle da xornada. Escenografías, materiais, probas motrices e dinámicas de xogo van tomando forma grazas a un intenso traballo en equipo. Todo estará listo para recibir o alumnado do Colexio Salesianos o vindeiro mércores, nunha experiencia pensada para aprender a través do corpo, o xogo e a imaxinación. Unha cita que, ano tras ano, consolídase como unha tradición educativa e vivencial de gran valor.
23 de abril: Día do libro
Dende fai dúas semanas, quen cruzaba a porta da Biblioteca non atopaba o silencio habitual. No seu lugar: unha escena precintada, un corpo sobre a mesa de novidades e unha certeza incómoda. O DRAE fora asasinado. Ao seu redor, os sospeitosos: rostros coñecidos, historias aparentemente inocentes… pero con algo que agochar.
Este 23 de abril, oito grupos aceptaron o caso —entre eles, un formado por profesorado—. A investigación non ofrecía atallos: un crucigrama, unha sopa de letras, un crebacabezas e unha adiviñanza final obrigaban a ler con precisión, pensar con método e desconfiar do evidente. Cada resposta abría unha nova liña de investigación; cada erro afastaba da verdade.
Non foi un desenlace inmediato. Como en toda boa historia negra, fixeron falta intuición, contraste de hipóteses e unha lectura atenta das pistas. Pero un dos grupos conseguiu reconstruír o fío oculto que unía todas as probas e sinalou ao culpable nun tempo récord. Kira, Uxía e Eva, de 1º curso de Primaria, resolveron o caso en apenas catro minutos.
Caso pechado, pero quedou algo no aire: a certeza de que, entre estantes e páxinas, os libros seguen agochando misterios para quen sabe lelos. E se esta historia foi posible, é grazas ao traballo minucioso e creativo de Rosa e Alicia, as nosas bibliotecarias, capaces de converter a lectura nun xogo, e o xogo, nunha auténtica investigación. Feliz día do libro!
Texto: Ana Caíño.