Antonte non foi un día máis. Antonte foi un día distinto. Cambiamos as nosas aulas do século XXI con Hyflex, polas aulas do Museo Pedagóxico. Cambiamos os nosos corredores, patios e oratorio por un decorado de luxo: Santiago, as súas rúas, a catedral (tellados, pórtico, museo…), pero sobre todo, alumnado e profesorado deixamos de mirarnos de fronte coma cando estamos nas aulas para camiñar xuntos, ombro con ombro, e compartir bos momentos neste ano santo compostelán.