Pensar no agasallo, conseguilo, envolvelo e agardar que guste. Catro pasos que nestas datas todos facemos e a señora Phelps non ía ser menos. No seu caso, tratándose dela, o agasallo non podía ser outra cousa que un libro e, coma o ano pasado, para clausurar o primeiro cuadrimestre, os membros do club marcharon para casa cun libro debaixo do brazo. Foron uns meses de acompañar a Momo e mais Bastian na súas loitas contra os inimigos da Fantasía e da imaxinación, de descubrir outra España con Celia de Elena Fortún e de ter un pouco de medo e intriga da man de Xabier P. Docampo. En 2023, agardan xa o pirata Garrapata, Fray Perico, Matilda, Charlie, Alicia no seu país e Willy, entre outros. Grazas a todos os membros do club de lectura por facelo posible. Ata febreiro!
