A nosa compañeira e profesora María del Carmen Rodríguez Lorenzo participou os días 16 e 17 de febreiro no I Congreso Internacional de Literatura Infantil e Xuvenil. Estudio e Promoción Internacional, organizado pola Universidade Rei Juan Carlos, en Fuenlabrada. No marco deste encontro académico, a profesora presentou a comunicación titulada “El maestro como mediador de lectura: ¿una figura en peligro?”, na que reflexionou sobre o papel fundamental do profesorado como axente mediador entre o alumnado e os textos literarios, nun contexto marcado polos cambios nos hábitos de lectura e pola crecente presenza das pantallas. A súa intervención puxo o foco na necesidade de reivindicar a figura do mestre e da mestra como guía crítico, acompañante lector e construtor de comunidades lectoras, e subliñou os desafíos actuais que poden debilitar esa función mediadora.
