Polo Día Internacional da Muller, os alumnos do Obradoiro de Creación Artística (3º Infantil) fixeron uns murais con personaxes femininas de famosos debuxos animados. Nestes murais pódense ver tamén as cualidades destes personaxes.

O noso equipo de fútbol sala está a dar unha auténtica lección na liga universitaria de fútbol sala da UVigo. Este xoves impuxéronse no último partido de liga 3-1 ao segundo clasificado, Ingenieros Masilla. Neste partido contaron co apoio do profesor José Luis Holgado e mais de compañeiros e compañeiras, seareiros fieis, que non dubidaron en amosarlle o seu apoio en todos os partidos disputados. Deste xeito,  remataron esta fase de clasificación sen coñecer a derrota e como líderes indiscutibles o que lles vai permitir acceder á competición interuniversitaria que se realizará o próximo xoves, 10 de marzo, na que se enfrontarán a equipos do campus de Ourense e Pontevedra. O capitán do equipo, Daniel Lorenzo, alumno de 1º curso do Grao de Educación Infantil, recoñece o compromiso de todo o equipo e o orgullo co que representan a nosa Escola no campionato.  Agardamos que siga esta boa racha e continúen a dar unha lección non só futbolística, senón tamén de compromiso e traballo en equipo. Afouteza e corazón para eles nesta nova fase!

O departamento de Lingua e Literatura e a Biblioteca organizaron hoxe ás 11:30 unha lectura dalgúns poemas de Rosalía de Castro para conmemorar á autora no seu día. Este ano fanse 185 anos do seu nacemento e dende á Escola quixemos celebrar este día e na Biblioteca hai un espazo dedicado á Rosalía onde se mostran algunas das súas obras. Agradecemos a todo o alumnado asistente a este homenaxe.

Enlace al formulario

A nosa alumna de 4º curso de Educación Primaria, Ana Fornos, está a desenvolver nas prácticas que realiza no colexio CPR Inmaculada de Verín un proxecto interdisciplinar e plurilingüe chamado ‘Viaxamos no tempo’. Este proxecto é parte do seu traballo fin de grao dirixido pola profesora Sandra Fragueiro. No enlace tedes toda información desta fantástica actividade académica que tan bos resultados está a ter. Parabéns a Ana!

Artículo en el periódico La región