Para os de cuarto será un curso inesquecible.
Para os de terceiro será o curso de albiscar máis preto o horizonte.
Para os de segundo será o curso de camiñar con seguridade por un espazo xa coñecido.
E para os de primeiro… todo está por estrenar, todo está por coñecer.
Profesorado e PAS só agardan que o que está por vir sexa mellor que o anterior.
Un curso novo que inauguramos onte cunha Eucaristía, presidida por Jesús Robledo, Director de Pastoral e Voluntariado da FUSP, ao que agradecemos que quixese estar con nós nesta data tan importante e con Uxío Nerga, o capellán da nosa Escola. Seguidamente, o profesor Javier Pascual foi o encargado de ofrecer a conferencia inaugural na que abordou a filosofía que se agocha detrás das distintas leis educativas e o seu impacto na sociedade.
O curso 22/23 fica inaugurado, agora tocanos a nós ir tecéndoo con boa vontade e actitude.

Este jueves inauguraremos de manera oficial el curso 22/23 con una eucaristía y una conferencia. Estáis todos invitados a participar en este acto, tan importante y simbólico, con el que damos comienzo a un nuevo año académico.

Ademais das prácticas, o alumnado de 4º curso terá que enfrontarse neste curso tan especial ao traballo fin de grao. Este mércores recibirán as primeiras indicacións da coordinadora de TFG, a profesora Sandra Fragueiro, e poderán resolver as primeiras dúbidas.

O xoves presentáronse os talleres e algunhas das actividades que se desenvolverán ao longo deste cuadrimestre. A señora Phelps regresa con novas lecturas disposta a seguir compartindo momentos únicos ao redor de bos libros. As persoas interesadas teñen de prazo ata o día 26 de setembro para matricularse (no correo [email protected]) e o 28 de setembro botará andar esta segunda edición. Pola súa banda, o profesor Javier Pascual vén, tamén por segundo ano, cunha proposta de taller no que se traballará como falar en público. Os interesados poden poñerse en contacto con [email protected].

A profesora Montserrat Rúa tamén trouxo unha actividade ben interesante coa que coñecer o noso patrimonio artístico e cultural máis próximo. Como futuros mestres, nun futuro, tamén vos tocará preparar saídas culturais co voso alumnado, así que con este taller traballarase como organizar estas actividades e tamén se sairá a coñecer Vigo a través da súa historia. As persoas interesadas quedan convidadas a unha reunión o día 27 as 13h na Sala de Profesores.

E o coordinador de voluntariado, Alberto Santos, convidou a todos os asistentes a participar na peregrinación que se fará con outros centros do CEU ao Castelo de Javier en Navarra. Para calquera dúbida, preguntade ao coordinador ([email protected]).

Hai vida máis alá das clases. Moita vida.

Porque hai máis vida máis alá das clases, non perdas a presentación de talleres e actividades que se vai celebrar este xoves.